Cità paese e contrà, storia e storie
di Giancarlo Fabbian
Il percorso che ci porterà nelle città e
nei paesi della Bassa Padovana e del
Polesine parte con una premessa.
Milioni de ani fa, da ste parte ghe iera
solo vulcani, e tuto intorno aqua e
melma. Pian pian i vulcani se ga stuà e
a darghe el nome la xe sta la popolassion
deli Uganei, a poco a poco ciamà
Euganei.
Un popolo de Veneti rivà chissà da dove
de sta granda tera, un cò ciamà Europa,
vegnùda fora da la nostra màre aqua,
che un tenpo la cuerseva tutto.
Ma pare anca, che la prima zente che
ghéa piantà le so raise da ‘ste parte, le
se ciamàva paleoveneti, li stessi li rivàva
fin ai confin co’ le grandi montagne
ciamà Alpi, e confinava ‘ncora co’ i
monti slavi, li Apenini e el lago Benacus
(Garda), come dal resto nel centro Italia
ghe iera el popolo deli Etruschi.
Ste storie, fin dal tenpo del bronzo, e ne
xe contà da che le robe che se trova nel
museo de Este, fate de bronzo e de teracrea,
che de le persone studià le ga dito
che le sià de mile e tresento ani prima
de Cristo.
La roba la xe sta trovà dentro al lagheto
dela Costa, nele basse dela Val Calaona,
nel centro de Este, sul Monte Fiorin nela
zona de Mosselese ciamà Marendole, a
Montegrotto terme e a Rocca Pendice
de Castelnovo.